Help a Chanllaw ar gyfer defnyddwyr y Gwasanaeth Ymateb Cartrefi Ar-lein
1. Optio Allan o’r Gofrestr Agored?
Mae’r Swyddog Cofrestru Etholiadol yn gwneud ac yn cadw dwy fersiwn o’r Gofrestr Etholiadol – y gofrestr etholiadol a’r gofrestr agored.
Mae’r gofrestr etholiadol yn rhestru enw a chyfeiriad pawb sydd wedi cofrestru i bleidleisio. Mae gan y cyngor gopi a chaiff unrhyw un edrych arno, ond mae’n drosedd rhoi neu ddefnyddio copïau at ddibenion nad ydynt wedi eu nodi yn y gyfraith. Ceir rhagor o wybodaeth yn
www.yourvotematters.co.uk
Prif ddefnydd y gofrestr etholiadol yw dangos pwy gaiff bleidleisio mewn etholiadau a refferenda. Gall asiantaethau cyfeirnod credyd ei defnyddio ond dim ond i wirio eich enw a chyfeiriad os ydych yn gwneud cais am gredyd ac at ddibenion eraill a nodir yn y gyfraith. Gellid ei defnyddio hefyd at ddibenion gorfodi cyfraith.
Mae’r gofrestr agored ar gael yn gyffredinol a gall unrhyw un ei defnyddio at unrhyw ddiben. Gall unrhyw berson, cwmni neu sefydliad brynu’r gofrestr agored a’i defnyddio at ddibenion masnachol megis marchnata. Os ydych am optio allan o roi eich manylion ar y gofrestr agored, nodwch hyn yn eich cofrestriad. Mae’n rhaid i chi ofyn i bob person a enwir ar y ffurflen a yw am optio allan o fod ar y gofrestr agored.
2. Cenedligrwydd cymwys i gofrestru.
Caiff dinasyddion y gwledydd canlynol yn yr UE a’r Gymanwlad, sy’n byw yn y DU, gofrestru i bleidleisio:
Austria
Belgium
Bulgaria
Croatia
Cyprus
Czech Republic
Denmark
Estonia
Finland
France
Germany
Greece
Hungary
Irish Republic
Italy
Latvia
Lithuania
Luxembourg
Malta
Netherlands
Poland
Portugal
Romania
Slovakia (Slovak Republic)
Slovenia
Spain
Sweden
Y Deyrnas Unedig
Antigua and Barbuda
Australia
Bahamas
Bangladesh
Barbados
Belize
Botswana
Brunei Darussalam
Cameroon
Canada
Cyprus
Dominica
Fiji
Gambia
Ghana
Grenada
Guyana
Hong Kong
India
Jamaica
Kenya
Kiribati
Lesotho
Malawi
Malaysia
Maldives
Malta
Mauritius
Mozambique
Namibia
Nauru
New Zealand
Nigeria
Pakistan
Papua New Guinea
Rwanda
Samoa
Seychelles
Sierra Leone
Singapore
Solomon Islands
South Africa
Sri Lanka
Swaziland
Tanzania
Tonga
Trinidad and Tobago
Tuvalu
Uganda
Vanuatu
Zambia
Zimbabwe
3. Mae problemau technegol.
Efallai bod problem gysylltu leol – ydych chi wedi cysylltu? Edrychwch i weld a allwch chi gysylltu â www.google.co.uk neu www.bbc.co.uk. Yn aml caiff problemau eu datrys trwy stopio ac ailgychwyn eich porwr, neu os yw’r broblem yn fwy difrifol efallai y bydd angen aildanio eich cyfrifiadur.
4. Mae’r system rhyngrwyd yn gwrthod fy Nghod Diogelwch neu fy Nghod Post.
Sicrhewch eich bod yn ei nodi’n gywir. Mae’n rhaid ei roi yn y blychau testun priodol, heb fylchau. Mae’n rhaid i chi roi’r un cod post â sydd ar eich ffurflen gofrestru. Gallwch ei roi gyda neu heb fylchau ac mewn llythrennau bychain neu briflythrennau e.e. N8 0NW fel n80nw. Sicrhewch nad ydych chi’n camgymryd 1 am I neu 0 am O. Os nad oes cof post ar eich ffurflen, e-bostiwch eich manylion i’r cyfeiriad cymorth technegol isod.
5. Mae’r system rhyngrwyd yn dweud fy mod i eisoes wedi cofrestru.
Os yw rhywun o’ch aelwyd eisoes wedi cofrestru, dros y ffôn neu’r we neu SMS (os yw eich awdurdod lleol yn defnyddio’r gwasanaeth hwn), bydd y system yn atal unrhyw un arall rhag defnyddio’r un Cod Diogelwch i fewngofrestru. Efallai bod cyfaill neu berthynas wedi cofrestru ar eich rhan?
6. Mae arnaf i angen cofrestru mwy nag un eiddo.
Wedi i chi gwblhau pob cofrestriad, bydd yn rhaid rhoi’r cyfeiriad gwe ar y ffurflen yn eich porwr eto (efallai y gallwch ddewis y cyfeiriad o’r gwymplen ym maes cyfeiriad eich porwr). Ni ddylech ddefnyddio tudalennau y mae eich porwr wedi eu storio o gofrestriadau blaenorol.
7. Roedd gwall, neu tarfwyd ar fy nghysylltiad gwe wrth gofrestru, ydy fy nghofrestriad wedi ei gadw?
Mewngofnodwch eto, os cafodd y cofrestriad ei gofnodi’n gywir, ni chewch fynd yn ôl ar y system; fel arall, cewch.
8. Mae gennyf nam ar y llygad neu rwy’n ddefnyddiwr gwe anabl ac mae arnaf angen meddalwedd neu offer arbennig i bori’r we. Yw’r wefan hon yn cyd-fynd â’m system
Rydym wedi profi’r wefan ar ystod eang o borwyr ac wedi ymgorffori egwyddorion hygyrchedd i gynllun y wefan pan fu hynny’n bosibl heb ildio swyddogaeth na diogelwch y wefan. Felly rydym wedi ceisio ei gwneud mor ddefnyddiadwy a hygyrch â phosibl, ond rhowch wybod i ni os cewch broblemau ac fe ymchwiliwn.
9. Sut gallaf sicrhau y cedwir fy manylion personol yn ddiogel wrth ddefnyddio’r gwasanaeth hwn?
Mae gan Democracy Counts ddiogelwch corfforol yn ein cyfleusterau sy’n diogelu rhag colli, dwyn, camddefnyddio neu newid gwybodaeth ac mae hefyd yn unol â safon diogelu data ISO 27001 . Hefyd, mae gwahanol haenau o fesurau diogelwch wedi eu gosod trwy lwyfan ein gwefan, er enghraifft waliau tân caledwedd ac apps.
Cadwch eich Ffurflen Gofrestru’n ddiogel o leiaf tan i chi gofrestru – mae Cod Diogelwch arni a ddefnyddir i fynd i’r wefan.
Peidiwch â gadael eich cyfrifiadur heb oruchwyliaeth os nad yw wedi diffodd.
Os ydych yn rhannu cyfrifiadur, sicrhewch eich bod yn cau eich porwr ar ôl ei ddefnyddio.
Defnyddiwch feddalwedd gwrth-firws a wal dân i ddiogelu eich cyfrifiadur a diweddarwch eich meddalwedd gwrth-firws yn rheolaidd.
Peidiwch ag agor atodiadau e-bost na chlicio ar ddolenni mewn negeseuon e-bost gan bobl nad ydych yn eu hadnabod..
Cymorth technegol
Ffoniwch linell gymorth eich awdurdod lleol gydag ymholiadau cyffredinol ynghylch cofrestru etholiadol neu etholiadau. Mae’r rhif ar eich ffurflen gofrestru.
Cysylltwch â ni yn uniongyrchol drwy e-bost os cewch broblemau technegol â’r wefan. Bydd arnom angen cymaint o wybodaeth â phosibl i ymchwilio’r broblem, yn cynnwys:
Y cyngor lleol lle rydych yn ceisio cofrestru;
Rhan Un eich Cod Diogelwch;
Y dyddiad a’r amser y ceisioch gofrestru;
Yr union neges wall a dderbynioch, os derbynioch un.
E-bostiwch ni â manylion eich problem dechnegol, fe’i hymchwiliwn a rhoi gwybod i chi beth a ganfyddwn cyn gynted â phosibl.